ضلع جہلم میں امن و امان کی فضا قائم رکھنا اولین ترجیح ہے، ڈی پی او ناصر محمود باجوہ

ڈی پی او جہلم ناصر محمود باجوہ نے پنڈدادنخان کے علاقہ برج ستار جیتی پور کا دورہ کیا، انہوں نے جیتی پور میں کچھ عرصہ قبل ہونے والے قتل کے 2 وقوعہ جات کا معائنہ کیا۔

ڈی ایس پی پنڈدادنخان اور ایس ایچ او پنڈ دادنخان نے ڈی پی او جہلم کو مقدمات میں ابھی تک کی پیش رفت کے بارے میں آگاہ کیا۔

ڈی پی او جہلم ناصر محمود باجوہ نے فریقین اور معززین علاقہ سے ملاقات کی اور علاقہ میں امن قائم رکھنے کی تلقین کی، معززین علاقہ نے آئندہ علاقہ میں امن قائم رکھنے کے عزم کا آعادہ کیا۔

یاد رہے کہ پنڈدادنخان کے علاقہ جیتی پور میں کافی عرصہ سے دو گروپوں کے درمیان دشمنی چل رہی ہے۔

اس موقع پر ڈی پی او جہلم ناصر محمود باجوہ نے کہا کہ ضلع ہذا میں امن و امان کی فضا قائم رکھنا اولین ترجیح ہے۔