ڈپٹی کمشنر جہلم کی زیر صدارت ڈسٹرکٹ ہیلتھ کونسل کمیٹی کا اجلاس، طبی اداروں کی کارکردگی کا جائزہ لیا

جہلم: ڈپٹی کمشنر جہلم عاصمہ اعجاز چیمہ کی زیرِ صدارت ڈسٹرکٹ ہیلتھ کونسل کمیٹی جہلم کا اجلاس منعقد ہوا، جس میں ضلع بھر کے سرکاری طبی اداروں میں صحت عامہ کی سہولیات، انتظامی امور اور شہریوں کو فراہم کی جانے والی طبی خدمات کا تفصیلی جائزہ لیا گیا۔

اجلاس کے دوران صحت کے شعبے سے متعلق مختلف امور، سرکاری ہسپتالوں اور دیگر طبی اداروں کی مجموعی کارکردگی اور انتظامی معاملات پر غور کیا گیا۔ اس موقع پر طبی سہولیات کی بہتری، عوامی ضروریات کے مطابق خدمات کی فراہمی اور طبی اداروں کے انتظامی امور کو مزید مؤثر بنانے پر توجہ دی گئی۔

اجلاس میں متعلقہ امور کی نگرانی، اداروں کی کارکردگی کے باقاعدہ جائزے اور افسران و عملے کی ذمہ داریوں کی بروقت ادائیگی یقینی بنانے کی اہمیت پر بھی زور دیا گیا۔

ڈپٹی کمشنر عاصمہ اعجاز چیمہ نے ہدایت کی کہ صحت عامہ کی سہولیات میں بہتری کے لیے تمام متعلقہ امور پر مؤثر توجہ دی جائے اور طبی اداروں کی کارکردگی سمیت انتظامی معاملات کی مسلسل نگرانی یقینی بنائی جائے۔

انہوں نے واضح کیا کہ شہریوں کو معیاری طبی سہولیات کی فراہمی، عوامی ضروریات کا مؤثر انداز میں جواب دینے اور صحت کے شعبے میں جوابدہی کے نظام کو مزید بہتر بنانا ضلعی انتظامیہ کی ترجیحات میں شامل ہے۔

↑
Exit mobile version