ڈی پی او جہلم کی مرکزی علماء کونسل کے ممبران کے ساتھ امن و امان کے حوالے سے اہم میٹنگ

جہلم: ڈی پی او جہلم طارق عزیز سندھو کی زیر صدارت ڈی پی او آفس جہلم میں مرکزی علماء کونسل کے ممبران کے ساتھ امن و امان اور سیکیورٹی کے متعلق اہم میٹنگ کا انعقاد کیا گیا۔

میٹنگ کے دوران ڈی پی او جہلم طارق عزیز سندھو نے کہا کہ علماء کرام کا تعاون ہمیشہ سے پولیس کے ساتھ رہا ہے، جس پر ہم ان کے شکر گزار ہیں۔ انہوں نے مزید کہا کہ امن و امان کے قیام، محبت، بھائی چارے اور رواداری کے فروغ کے لیے معاشرے کے ہر فرد کو اپنا کردار ادا کرنا ہوگا۔

مرکزی علماء کونسل کے ممبران نے اجلاس سے خطاب کرتے ہوئے کہا کہ جہلم شہر میں امن و امان کے حوالے سے ہونے والی اس مشاورتی میٹنگ میں مذہبی ہم آہنگی، بھائی چارے اور پرامن ماحول کے استحکام کے لیے اہم نکات پر تفصیلی گفتگو کی گئی۔

انہوں نے اس عزم کا اظہار کیا کہ جہلم شہر میں امن و امان اور قانون کے نفاذ کے لیے وہ ہمیشہ پولیس کے ساتھ کھڑے ہیں اور امن کے قیام کے لیے اپنا بھرپور کردار ادا کریں گے۔

اجلاس کے اختتام پر ملک کی سلامتی، امن و امان اور خوشحالی کے لیے خصوصی دعا کی گئی۔