پاکستانی نژاد عدیل منگی امریکی عدالت میں دوسرے مسلمان جج نامزد

امریکی صدر جو بائیڈن نے وفاقی اپیلز کورٹ میں پاکستانی نژاد امریکی شہری عدیل منگی کو جج نامزد کردیا۔

امریکی اخبار واشنگٹن پوسٹ کے مطابق جو بائیڈن نے آکسفورڈ اور ہارورڈ سے تربیت یافتہ قانون دان عدیل منگی کو وفاقی اپیلز کورٹ کے تھرڈ سرکٹ میں جج لگانے کا اعلان کیا ہے۔

46 سالہ عدیل منگی کا تعلق کراچی سے ہے اور وہ سینیٹ سے منظوری کے بعد وہ امریکی تاریخ میں فیڈرل ایپلز کورٹ کے پہلے مسلمان جج بن جائیں گے۔

یہ اقدام بائیڈن کی جانب سے پہلے مسلمان زاہد این قریشی کو وفاقی ضلعی عدالت میں نامزد کیے جانے کے دو سال سے زائد عرصے بعد سامنے آیا ہے۔

President Biden announced Wednesday he will nominate Adeel A. Mangi, a Harvard- and Oxford-trained lawyer, to the U.S. Court of Appeals for the 3rd Circuit.

Mangi would be the first Muslim American to serve on a federal appellate court in U.S. history. https://t.co/q4PFkLmYRk

— The Washington Post (@washingtonpost) November 15, 2023

عدیل منگی ان 8 امیدواروں میں شامل تھے جن کا اعلان وائٹ ہاؤس نے بدھ کے روز کیا تھا۔

وائٹ ہاؤس کی جانب سے جاری ہونے والے ایک بیان میں کہا گیا ہے کہ نامزد امیدوار غیر معمولی طور پر اہل، تجربہ کار اور قانون کی حکمرانی اور ہمارے آئین سے وابستہ ہیں۔

اس حوالے سے امریکی سینیٹر باب مینینڈیز نے سوشل میڈیا پر امریکی صدر کے فیصلے کو سراہتے ہوئے لکھا کہ مجھے عدیل منگی سے ملاقات کا اعزاز حاصل ہوا تو میں نے انہیں کہا کہ میں صدر بائیڈن کو پہلے امریکی مسلمان کو اپیلز کورٹ کا جج لگانے کے لیے قائل کروں گا۔

I applaud @POTUS's nomination of Adeel Mangi to serve on the U.S. Court of Appeals for the Third Circuit.

I was honored to call him and share that I would strongly encourage the President to make him the first Muslim American nominated for a seat on our federal appeals courts. pic.twitter.com/LozxjdlU9M

— Senator Bob Menendez (@SenatorMenendez) November 15, 2023