موٹروے پر ڈرائیور اور مسافروں کے لئے فری آئی کیمپ کا انعقاد کیا گیا
پنڈدادنخان: موٹروے پولیس نے آئی جی رفعت مختار راجہ کی خصوصی ہدایت پر اسلام آباد کے مین ٹول پلازہ پر ڈرائیوروں اور مسافروں کے لیے فری آئی کیمپ کا انعقاد کیا۔
کیمپ کا مقصد موٹروے پر سفر کرنے والے ڈرائیورز، بالخصوص مسافر بردار گاڑیوں اور ٹرک ڈرائیورز کی آنکھوں کا مفت معائنہ تھا۔ اس موقع پر بلڈ پریشر اور شوگر ٹیسٹ بھی کیے گئے۔ ایسے ڈرائیورز جن کی نظر کمزور پائی گئی، انہیں موقع پر ہی مفت چشمے اور ادویات فراہم کی گئیں۔
یہ فری آئی کیمپ الشفاء آئی ٹرسٹ ہسپتال کے تعاون سے منعقد کیا گیا، جس سے بڑی تعداد میں ڈرائیورز مستفید ہوئے اور موٹروے پولیس کے اس اقدام کو بھرپور سراہا گیا۔
آئی جی موٹروے رفعت مختار راجہ نے اس موقع پر پیغام دیا کہ محفوظ سفر کے لیے ڈرائیور کی نظر کا درست ہونا نہایت ضروری ہے تاکہ حادثات سے بچا جا سکے۔ موٹروے پولیس کی جانب سے ایسے فری کیمپس کا انعقاد آئندہ بھی جاری رکھنے کا اعلان کیا گیا۔
