ستھرا پنجاب ورکرز کی خدمات کا اعتراف، اسسٹنٹ کمشنر پنڈدادنخان نے اعزازیہ چیکس تقسیم کر دیے
پنڈدادنخان: صفائی کے نظام کو موثر انداز میں برقرار رکھنے اور فیلڈ میں اپنی ذمہ داریاں احسن طریقے سے سرانجام دینے والے ستھرا پنجاب ورکرز کی حوصلہ افزائی کے لیے اسسٹنٹ کمشنر پنڈدادنخان عائشہ شفقت نے ورکرز میں اعزازیہ چیکس تقسیم کیے۔
اس موقع پر صفائی کے نظام کو بہتر رکھنے کے لیے ورکرز کی مسلسل محنت، ذمہ داری اور فیلڈ میں انجام دی جانے والی خدمات کو سراہا گیا۔
اسسٹنٹ کمشنر عائشہ شفقت نے شہری و دیہی علاقوں میں صفائی کے عمل کو موثر انداز میں جاری رکھنے میں فیلڈ ورکرز کے کردار کو اہم قرار دیتے ہوئے کہا کہ صفائی کے نظام کی بہتری میں ورکرز کا عملی کردار بنیادی حیثیت رکھتا ہے۔
انہوں نے کہا کہ محنت، لگن اور ذمہ داری کے ساتھ فرائض انجام دینے والے ورکرز کی بروقت حوصلہ افزائی نہ صرف ان کے عزم اور حوصلے کو تقویت دیتی ہے بلکہ صفائی کے مجموعی نظام کو مزید موثر بنانے میں بھی معاون ثابت ہوتی ہے۔
انہوں نے ستھرا پنجاب ورکرز کو ہدایت کی کہ صفائی کے معیار میں تسلسل برقرار رکھا جائے اور فیلڈ میں تفویض کردہ ذمہ داریاں نظم و ضبط، محنت اور پیشہ ورانہ انداز میں سرانجام دی جائیں۔ انہوں نے عوامی مقامات، سڑکوں، بازاروں اور دیگر مقامات پر صفائی کو یقینی بنانے کے لیے فیلڈ سرگرمیوں کو مزید موثر بنانے پر بھی زور دیا۔
اس موقع پر اسسٹنٹ کمشنر نے کہا کہ شہریوں کو صاف ستھرا اور صحت مند ماحول فراہم کرنے کے لیے انتظامیہ اور فیلڈ ورکرز کے درمیان مربوط رابطہ اور مسلسل محنت ضروری ہے۔ انہوں نے صفائی کے نظام کو مزید بہتر بنانے اور شہری و دیہی علاقوں میں صفائی کی صورتحال کو برقرار رکھنے کے لیے مشترکہ اور مربوط کوششیں جاری رکھنے پر زور دیا۔
اعزازیہ چیکس کی تقسیم کے موقع پر ستھرا پنجاب ورکرز نے حوصلہ افزائی پر اظہار تشکر کرتے ہوئے اپنی ذمہ داریاں مزید محنت اور جذبے کے ساتھ انجام دینے کے عزم کا اظہار کیا۔
