پنڈدادنخان میں سولر پینل چوری کرنے والا چور اور ناجائز اسلحہ رکھنے والا ملزم گرفتار

پنڈدادنخان: ایس ایچ او تھانہ للِہ اور ٹیم کی اہم کارروائی، چوری کے مقدمہ میں ملوث ملزم گرفتار کر لیا، ناجائز اسلحہ رکھنے والا ملزم بھی گرفتار کر لیا گیا۔

تفصیلات کے مطابق تھانہ للِہ پولیس نے کارروائی کرتے ہوئے ملزم ذیشان ممتاز کو گرفتار کر لیا، ملزم سے مال مسروقہ 10 عدد سولر پینلز اور 6 عدد بیٹریاں مالیتی 13لاکھ 50 ہزار روپے برآمد کر لی گئیں۔

پولیس کا کہنا ہے کہ ملزم سے مزید تفتیش جاری ہے، ملزم کو ٹھوس شواہد کے ساتھ چالان عدالت کیا جائے گا۔

تھانہ للِہ پولیس نے دوسری کارروائی کرتے ہوئے ملزم ذیشان ممتاز کو گرفتار کر لیا، ملزم سے رائفل 08ایم ایم معہ ایمونیشن برآمد کر کے ملزم کے خلاف مقدمہ درج کر لیا۔

ڈسٹرکٹ پولیس آفیسر جہلم ناصر محمود باجوہ نے کہا کہ شہریوں کو قیمتی اثاثوں سے محروم کرنے والے ملزمان کسی رعایت کے مستحق نہیں، امن عامہ کے قیام اور جرائم کی بیخ کنی کے لئے جہلم پولیس اسلحہ ناجائز کے خلاف موثر کریک ڈاؤن جاری رکھے ہوئے ہے۔