جہلم: تھانہ صدر پولیس نے اہم کارروائی کرتے ہوئے چوری کے مقدمہ میں مطلوب اشتہاری مجرم کو گرفتار کر لیا۔
ترجمان جہلم پولیس کے مطابق ایس ایچ او تھانہ صدر اور پولیس ٹیم نے کارروائی کرتے ہوئے چوری کے مقدمہ میں تھانہ صدر پولیس کو مطلوب اشتہاری مجرم کو گرفتار کیا۔ ملزم مقدمہ درج ہونے کے بعد گرفتاری سے بچنے کے لیے مسلسل روپوش تھا، تاہم پولیس نے جدید سائنسی طریقہ کار کو استعمال کرتے ہوئے اس کا سراغ لگایا اور اسے گرفتار کر لیا۔
پولیس کے مطابق گرفتار اشتہاری مجرم سے تفتیش کا عمل جاری ہے جبکہ اسے قانون کے مطابق کارروائی کے لیے متعلقہ مقدمہ میں شامل کیا گیا ہے۔
ڈی پی او جہلم شفیق احمد چوہدری نے کہا کہ سنگین مقدمات میں مطلوب اشتہاری مجرمان کی گرفتاری اور انہیں قانون کے کٹہرے میں لانا جہلم پولیس کی اولین ترجیحات میں شامل ہے۔ انہوں نے کہا کہ شہریوں کے جان و مال کے تحفظ اور جرائم پیشہ عناصر کے خلاف بلاامتیاز کارروائیاں جاری رکھی جائیں گی۔
-
-
-
-
