پولیس شہریوں کی خدمت میں مصروف عمل ہے، ڈی ایس پی پنڈدادنخان عامر شاہین گوندل

پنڈدادنخان: ٹریفک پولیس جہلم کے زیر انتظام ٹریفک پولیس ڈرائیونگ ٹریننگ سکول پنڈدادنخان نے ڈرائیونگ ٹریننگ میں 74 کامیاب طلباءو طالبات میں ڈپلومہ جات تقسیم کرنے کی پر وقار تقریب کا انعقاد کیا گیا۔

تقریب کے مہمان خصوصی ڈی ایس پی پنڈدادنخان محمد عامر شاہین گوندل تھے۔ تقریب میں خصوصی طور پر ڈرائیونگ و سائن ٹیسٹ میں 100 فیصد کارکردگی دکھانے کرنے والے 10 طلباء کو ڈپلومہ جات کے ساتھ انعامات بھی دیئے گئے۔

تقریب سے خطاب کرتے ہوئے ڈی ایس پی پنڈدادنخان محمدعامرشاہین گوندل کا کہنا تھا کہ کامیاب طلباءو طالبات ٹریفک قوانین سے مکمل آگاہی اور ان پر مکمل پیرا ہو کر محفوظ زندگی گزار سکیں گے، ٹریفک پولیس شہریوں کی خدمت میں مصروف عمل ہے۔