شہری کو جان سے مارنے کی دھمکیاں دینے والا ملزم گرفتار، ناجائز اسلحہ برآمد

سوہاوہ پولیس نے شہری کو جان سے مارنے کی دھمکیاں دینے والے ملزم صہیب کو گرفتار کر لیا۔ پولیس کی کارروائی کے دوران ملزم سے ایک 12 بور کی بندوق اور کارتوس برآمد کیے گئے۔

پولیس ذرائع کے مطابق ملزم نے مبینہ طور پر ایک شہری کو جان سے مارنے کی دھمکیاں دی تھیں، جس پر سوہاوہ پولیس نے فوری طور پر کارروائی کرتے ہوئے ملزم کو حراست میں لے لیا۔ اس کے قبضے سے ناجائز اسلحہ بھی برآمد کیا گیا، جس کی قانونی کارروائی کی جا رہی ہے۔

پولیس کا کہنا ہے کہ ملزم کو ٹھوس شواہد کے ساتھ عدالت میں پیش کیا جائے گا، اور اس کے خلاف قرار واقعی سزا دلوائی جائے گی تاکہ قانون کی عملداری قائم رہے۔