ریونیو کے معاملات سلجھانے کیلئے ہر ماہ کی ابتدا میں کھلی کچہری کا انعقاد سود مند ہے۔ سمیع اللہ فاروق

جہلم: ریونیو کے معاملات سلجھانے کیلئے ہرماہ کی ابتدا میں کھلی کچہری کا انعقاد سود مند ہے جس سے عوام کو موقع پر ریونیو کے متعلقہ امور میں مدد فراہم کی جاتی ہے۔

یہ بات ڈی سی جہلم کیپٹن (ر) سمیع اللہ فاروق نے ماہ اکتوبر کی ریونیو کچہری میں سائلین سے گفتگو کرتے ہوئے کہی۔

ڈی سی جہلم، اسسٹنٹ کمشنر جہلم اوردیگر متعلقہ حکام نے کھلی کچہری میں آنے والے سائلین کے مسائل دریافت کئے اور فرد ریکارڈ، رجسٹری، انتقالات اور دیگر امور پر موقع پر احکامات جاری کرتے ہوئے ریونیو کے متعلقہ تمام امور کو جلد از جلد مکمل کرنے اور تمام ریکارڈ کو کمپیوٹرائزڈ کرنے کی ہدایات جاری کیں۔