دینہ کے نواحی علاقے میں مسافر کوچ تیز رفتاری کے باعث الٹنے سے چار افراد زخمی ہو گئے۔
ریسکیو ذرائع کے مطابق ضلع جہلم کی تحصیل دینہ کے علاقے گجر کٹاریاں، گتر گاؤں کے قریب ایک مسافر کوچ تیز رفتاری کے باعث بے قابو ہو کر الٹ گئی، جس کے نتیجے میں چار افراد زخمی ہو گئے۔
حادثے کی اطلاع ملتے ہی ریسکیو 1122 کی ٹیم فوری طور پر جائے وقوعہ پر پہنچ گئی اور پیشہ ورانہ انداز میں امدادی کارروائیاں شروع کر دیں۔ ریسکیو اہلکاروں نے زخمیوں کو موقع پر ابتدائی طبی امداد فراہم کی، جس کے بعد انہیں مزید علاج معالجے کے لیے قریبی ہسپتال منتقل کر دیا گیا۔
ابتدائی اطلاعات کے مطابق حادثہ تیز رفتاری کے باعث پیش آیا۔
یہ بھی پڑھنا مت بھولیں
-
-
-
-
