اوپن مارکیٹ میں ٹیکس ڈیوٹیوں کا نفاذ، مرغی اور انڈوں کی قیمت میں اضافہ دوبارہ شروع ہو گیا

جہلم: اوپن مارکیٹ میں تمام ٹیکس ڈیوٹیوں کے عملی نفاذ کے بعد مرغی، انڈوں کی قیمت میں اضافہ دوبارہ شروع ہو گیا ، صرف ایک دن میں برائلر مرغی کی قیمت میں 50 روپے فی کلو کا اضافہ کیا گیا۔

سرکاری نرخ کے مطابق برائلر مرغی کا گوشت572 روپے فی کلو کے حساب سے مقرر تھا جبکہ دکاندار 630 روپے فی کلو کے حساب سے فروخت کرتے رہے۔

شہریوں کا کہنا ہے کہ محض چند روز قبل 380 روپے فی کلو کے حساب سے فروخت ہونے والے مرغی کے گوشت کی قیمتوں میں اچانک 80 فیصد اضافہ کردیا گیا ہے حکومتی ناقص پالیسیوں کیوجہ سے عوام سے سستی پروٹین کی سہولت بھی چھین لی گئی ہے۔

شہریوں نے وزیراعلیٰ پنجاب مریم نواز شریف سے نوٹس لینے اور چکن سمیت اشیاء خوردونوش کی قیمتوں میں کمی کرنے کا مطالبہ کیاہے۔