جہلم میں سی سی ڈی سے مبینہ مقابلوں میں ایک منشیات فروش ہلاک، تین زخمی حالت میں گرفتار

4

جہلم میں سی سی ڈی اور ڈرگ ڈیلرز کے درمیان تین مبینہ مقابلوں میں ایک منشیات فروش ہلاک اور تین زخمی حالت میں گرفتار کر لئے گئے۔

ذرائع کے مطابق جہلم میں کرائم کنٹرول ڈپارٹمنٹ (CCD) اور منشیات فروشوں کے درمیان تین مختلف مقامات پر مبینہ پولیس مقابلے ہوئے، جن میں ایک منشیات فروش ہلاک جبکہ تین ملزمان زخمی حالت میں گرفتار کر لیے گئے۔

ذرائع کے مطابق پہلا مبینہ مقابلہ چک نصیرالدین کے علاقے میں پیش آیا جہاں ملزم شرافت عرف شبو اپنے ہی ساتھیوں کی فائرنگ سے ہلاک ہو گیا۔ شرافت عرف شبو منشیات کے متعدد مقدمات میں ریکارڈ یافتہ تھا۔

دوسرے اور تیسرے مبینہ مقابلے پیراغیب اور کالا گجراں کے قریب ہوئے، جن میں زاکر بٹ، راجہ خرم اور قدیر فائرنگ کے تبادلے میں اپنے ہی ساتھیوں کی گولیوں کی زد میں آ کر زخمی ہوئے، جنہیں سی سی ڈی نے گرفتار کر لیا۔

زخمی ملزمان کے قبضے سے بھاری مقدار میں منشیات بھی برآمد کی گئی ہے۔ ہلاک ملزم کی لاش اور زخمیوں کو سول اسپتال منتقل کر دیا گیا۔ گرفتار ملزمان سے مزید تفتیش جاری ہے۔