جہلم: ٹریفک پولیس افسران کا کالجز اور سکولز کا دورہ، روڈ سیفٹی اور انسداد پتنگ بازی کے متعلق آگاہی دی
جہلم: وزیر اعلی پنجاب مریم نواز شریف کی ہدایت پر صوبہ بھر میں پتنگ بازی کے خلاف مہم جاری ہے۔
خونی دھاتی ڈور سے انسانی جانوں کو شدید خطرہ ہے۔ صوبہ بھر میں پولیس کے فیلڈ افسران سڑکوں پر موٹر سائیکل سوار کو سیفٹی وائر اور پروٹیکشن شیلڈ کے استعمال کے بارے میں آگاہی فراہم کررہے ہیں، تاکہ کسی بھی قسم کے نقصان سے بچا سکے۔
اس خصوصی مہم کے سلسلہ میں ڈی ایس پی ٹریفک جہلم سمیت ، ضلع بھر کے پولیس افسران نے کالجز اور سکولز کا دورہ کیا، طلباء کو روڈ سیفٹی اور انسداد پتنگ بازی کے متعلق آگاہی دی۔
بعد ازاں پولیس افسران نے اسی آگاہی مہم کے تسلسل میں موٹر سائیکل سواران اور رکشوں پر انسانی جانوں کی حفاظت کے لئے حفاظتی وائرز بھی نصب کیں۔
ڈی پی او جہلم ناصر محمود باجوہ نے کہا کہ عوام الناس پتنگ بازی کے مکمل خاتمے کے لئے جہلم پولیس کا ساتھ دیں ، اپنے بچوں کا مستقبل تاریک ہونے سے بچائیں، سول سوسائٹی کا کردار اس نیک امر میں انتہائی اہمیت کا حامل ہے۔
