ڈومیلی میں چوری کی وارداتوں میں ملوث دیما گینگ کے 4 کارندے گرفتار

سوہاوہ: ڈومیلی پولیس نے چوری کی وارداتوں میں ملوث دیما گینگ کے 4 کارندے گرفتار کر کے مال مسروقہ برآمد کر لیا۔

تفصیلات کے مطابق جہلم کی تحصیل سوہاوہ کے تھانہ ڈومیلی کے ایس ایچ او محمد افضل اور ان کی ٹیم نے کارروائی کرتے ہوئے چوری کی وارداتوں میں ملوث دیما گینگ کے ملزمان ندیم، محبوب،زین اور زبیرکو گرفتار کر لیا۔

ملزمان سے ایک عدد موٹر سائیکل مالیتی 60 ہزار روپے اور چوری شدہ گھریلو سامان مالیتی 3 لاکھ روپے برآمد کر لیا گیا جبکہ ملزم ندیم سے ناجائز اسلحہ پسٹل 32 بور معہ ایمونیشن اور ملزم محبوب سے پسٹل 30 بور معہ ایمونیشن برآمد کر لیے گئے۔

اس حوالے سے ڈی پی او جہلم ناصر محمود باجوہ کا کہنا ہے کہ شہریوں کی جان و مال کی حفاظت اولین ترجیح ہے جسے ممکن بنانے کے لئے تمام تر وسائل بروئے کار لائے جا رہے ہیں۔