جہلم میں 17 سالہ لڑکی سے نازیبا حرکات کرنے والا ملزم گرفتار

جہلم میں 17 سالہ لڑکی کے ساتھ نازیبا حرکات کرنے والا ملزم گرفتار کر لیا گیا۔

تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ کالا گجراں اور ان کی ٹیم نے خفیہ اطلاع پر کارروائی کرتے ہوئے 17 سالہ لڑکی کے ساتھ نازیبا حرکات کرنے والے ملزم کو گرفتار کر کے اس کے خلاف تھانہ کالا گجراں میں مقدمہ درج کر لیا ہے۔

پولیس کے مطابق ملزم کے خلاف ٹھوس شواہد کے ساتھ چالان عدالت بھیجا جائے گا تاکہ اسے قرارِ واقعی سزا دلوائی جا سکے۔

ڈی پی او جہلم طارق عزیز سندھو نے کہا کہ عورتوں اور بچوں کے ساتھ زیادتی یا نازیبا حرکات کے مقدمات میں زیرو ٹالرنس پالیسی پر سختی سے عمل کیا جا رہا ہے، ایسے عناصر کو قانون کے کٹہرے میں لانا پولیس کی اولین ترجیح ہے۔