پاکستانی پی ایچ ڈی طلباء کا پولینڈ کی گڈانسکا یونیورسٹی آف ٹیکنالوجی میں یوم ثقافت کا انعقاد

پولینڈ/ دینہ: پاکستانی پی ایچ ڈی طلباء کا پولینڈ کی گڈانسکا یونیورسٹی آف ٹیکنالوجی میں یوم ثقافت کا انعقاد کیا۔

پولینڈ میں مقیم پاکستانی پی ایچ ڈی کے طلباء نے گڈانسکا یونیورسٹی آف ٹیکنالوجی میں نہ صرف بین الاقوامی یوم ثقافت کا انعقاد کرایا بلکہ پاکستانی ثقافت کو بھرپور جوش و جذبہ کے ساتھ پیش کر کے پاکستان کا سر فخر سے بلند کیا۔

یوم ثقافت کا انعقاد گڈانسکا یونیورسٹی آف ٹیکنالوجی میں موجود PhD طلباء کی یونین کی طرف سے کیا گیا جس میں ڈپٹی چیئرمین ویپن کمار اود کے ہمراہ محمد ثاقب (سابقہ اسسٹنٹ ایجوکیشن آفیسر مرکز دینہ)، آفاق حسن، احمر بن حفیظ، شاہزیب، ارسلان سومرو ، مظفر کلور ، فاروق احمد جانجھی ، حنان طارق،شہزاد اشرف، محمد بلال حفیظ، کاشف شہید، شان زھرہ سید، عائشہ خان، خنسا گلشاد اور دیگر PhD طلباء نے بھرپور کردار ادا کیا اور پاکستان کا نام روشن کیا۔

ثقافتی پروگرام میں پاکستان کی طرف خصوصی پاکستان کارنر لگایا گیا جس میں پاکستانی کلچر پنجاب، سندھ، خیبر پختون خواہ، بلوچستان گلگت بلوچستان اور کشمیر کی ثقافت کو دکھایا گیا اسکے علاوہ پاکستانی پکوانوں کی نمائش اور موسیقی نے بھی ثقافتی میلہ میں اپنا رنگ جمایا۔

پولینڈ میں یہ اپنی نوعیت کا پہلا ثقافتی پروگرام تھا جس کو تمام غیر ملکی حاضرین نے بہت سراہا اور پاکستانی ثقافت کو خوب پذیرائی دی۔