جہلم میں ایک ہی دن میں ٹریفک کے 27 حادثات میں 50 سے زائد افراد زخمی

جہلم: ضلع جہلم میں ایک ہی دن میں ٹریفک کے 27 حادثات میں 50 افراد زخمی ہو گئے، زخمیوں کو ہسپتال منتقل کر دیا گیا۔

ریسکیو ذرائع کے مطابق 5 دستمبر کو ضلع جہلم میں 27 روڈ ٹریفک حادثات ہوئے جن میں تحصیل جہلم میں ہونے والے حادثات کی تعداد 19 تھی۔

گزشتہ روز ریسکیو 1122 جہلم کو کل 85 ایمرجنسی کال موصول ہوئیں، جن میں روڈ ٹریفک حادثات کی تعداد 27 تھی جبکہ فائر ایمرجنسی کی تعداد 5، میڈیکل ایمرجنسیز کی تعداد 45، ایک کرائم ایمرجنسی اور متفرق ایمرجنسیز کی تعداد 7 تھی۔

ریسکیو 1122 جہلم نے مجموعی طور پر 82 افراد کو ریسکیو کیا اور فرسٹ ایڈ فراہم کرنے کے بعد مختلف ہسپتالوں میں منتقل کیا۔