جہلم میں منشیات فروشی کے مقدمہ میں مجرم کو 10 سال قید اور جرمانے کی سزا
جہلم: عدالت نے منشیات فروشی کے مقدمہ میں جرم ثابت ہونے پر ملزم کو 10 سال قید اور جرمانے کی سزا سنا دی۔
تفصیلات کے مطابق جہلم میں عدالت نے منشیات کے مقدمہ نمبر 688/24 بجرم CNSA 9(i)6C تھانہ کالا گجراں کا فیصلہ سناتے ہوئے مجرم ماجد علی کو 10 سال قید اور 2 لاکھ روپے جرمانہ کی سزا سنائی۔
پولیس کے مطابق ملزم ماجد علی نے سال 2024 میں منشیات فروشی کے جرم کا ارتکاب کیا تھا۔ جہلم پولیس نے مجرم کو ٹریس کر کے گرفتار کیا اور ٹھوس شواہد کے ساتھ چالان عدالت پیش کیا جبکہ مقدمہ کی مؤثر پیروی بھی کی گئی جس کے نتیجے میں عدالت نے ملزم کو قرار واقعی سزا سنائی۔
ڈسٹرکٹ پولیس آفیسر جہلم شفیق احمد چوہدری نے کہا ہے کہ منشیات فروش معاشرے کا ناسور ہیں اور ان کے خاتمے کے لیے بھرپور آپریشن جاری رکھا جائے گا۔
ڈی پی او جہلم نے مقدمہ کی کامیاب پیروی پر انوسٹیگیشن اور لیگل ٹیموں کو شاباش دیتے ہوئے تعریفی سرٹیفکیٹ اور نقد انعام دینے کا اعلان بھی کیا۔
