33
جہلم میں ٹریفک قوانین کی خلاف ورزی پر تھانہ کالا گجراں پولیس نے 3 افراد کو گرفتار کر لیا۔
تفصیلات کے مطابق جہلم میں ٹریفک قوانین کی خلاف ورزی پر پولیس نے سخت کارروائی کرتے ہوئے تھانہ کالا گجراں کی حدود میں 3 افراد کو گرفتار کر لیا۔
گرفتار افراد نے اوور لوڈنگ اور تیز رفتاری کرتے ہوئے ٹریفک قوانین کی سنگین خلاف ورزیاں کیں، جس پر تھانہ کالا گجراں میں ان کے خلاف الگ الگ مقدمات درج کر لیے گئے ہیں۔
ڈسٹرکٹ پولیس آفیسر جہلم طارق عزیز سندھو نے اس موقع پر کہا کہ ٹریفک قوانین پر سختی سے عملدرآمد یقینی بنایا جائے گا، خلاف ورزی کرنے والوں کے خلاف بلا امتیاز کارروائی جاری رہے گی۔
انہوں نے مزید کہا کہ شہریوں کی جان و مال کے تحفظ کے لیے ٹریفک قوانین کا احترام ناگزیر ہے اور قانون شکن عناصر کے خلاف زیرو ٹالرنس پالیسی پر عمل جاری رہے گا۔
یہ بھی پڑھنا مت بھولیں
-
-
-
-
