جہلم پولیس کا منشیات فروش ملزمان کے خلاف کریک ڈاؤن، دو ملزمان گرفتار

جہلم پولیس کا منشیات فروش ملزمان کے خلاف کریک ڈاؤن جاری، منشیات فروش اور شراب سپلائر ملزمان گرفتار کر لئے۔

تفصیلات کے مطابق جلالپور شریف پولیس نے کارروائی کرتے ہوئے منشیات فروش ملزم محمد حسیب کو گرفتار کر لیا، ملزم سے 1کلو 340گرام چرس برآمد کر کے مقدمہ درج کر لیا۔

صدر پولیس نے کارروائی کرتے ہوئے شراب سپلائر ملزم ابرار شہزاد کو گرفتار کر لیا، ملزم سے 10لیٹر شراب برآمد کر کے مقدمہ درج کر لیا۔

ڈی پی او جہلم ناصر محمود باجوہ نے کہا کہ منشیات فروش معاشرے کا ناسور ہیں جن کے خلاف کریک ڈاؤن جاری ہے۔