پنڈدادنخان: ٹوبہ میں چوری اور ڈکیتی کی متعدد وارداتیں، ایس پی انویسٹی گیشن کی متاثرین سے ملاقاتیں

پنڈدادنخان کے علاقہ ٹوبہ میں چوری اور ڈکیتی کی متعدد وارداتوں کے بعد پولیس کو ہوش آ ہی گیا۔

ڈسٹرکٹ پولیس آفیسر جہلم کی ہدایت پر ایس پی انویسٹی گیشن جہلم محمدحسیب راجہ نے تھانہ للِہ کے گاؤں ٹوبھہ کادورہ کیا، ڈی ایس پی پنڈدادنخان محمد عامر شاہین گوندل اور ایس ایچ او للہ بھی ہمراہ تھے۔

ایس پی انویسٹی گیشن نے ٹوبھہ گاؤں میں حالیہ ہونے والی چوری اور ڈکیتی کی وارداتوں کے جائے وقوعہ کا معائنہ کیااور مدعیان سے فرداً فرداً ملاقاتیں کیں۔

بعد ازاں ایس پی انویسٹی گیشن نےتھانہ للِہ کاوزٹ کیا، ایس ڈی پی او پنڈدادنخان اور ایس ایچ او للِہ سے مقدمات کی تفتیش میں ہونے والی ابتک کی پیشرفت سے متعلق دریافت کیا۔

ڈی پی اوجہلم نے عوامی شکایات پر بشارت محمود ASIکو معطل تبدیل لائن کرتے ہوئےاعلیٰ سطحی انکوائری کا حکم بھی دے دیا۔

یاد رہے کہ چند روز میں تھانہ للِہ کے علاقہ ٹوبہ میں یکے بعد دیگرے چوری اور ڈکیتی کی وارداتوں سے متعدد افراد نقدی، طلائی زیورات، بکریوں اور دیگر قیمتی اشیاء سے محروم ہو چکے ہیں۔