ایڈمنسٹریٹر پنجاب ایمرجنسی سروس سید کمال عابد کا ریسکیو 1122 جہلم کا دورہ، فلیش فلڈ میں کارکردگی کو سراہا

جہلم: ایڈمنسٹریٹر پنجاب ایمرجنسی سروس سید کمال عابد نے ریسکیو 1122 جہلم کا دورہ کیا۔ ان کا یہ دورہ سیکرٹری پنجاب ایمرجنسی سروسز ڈاکٹر رضوان نصیر (ستارہ امتیاز) کی ہدایات کی روشنی میں کیا گیا۔

ریسکیو اسٹیشن پہنچنے پر ڈسٹرکٹ ایمرجنسی آفیسر انجینئر سعید احمد نے ان کا پرتپاک استقبال کیا اور فلیش فلڈ سے متعلق مکمل بریفنگ دی۔ ایڈمنسٹریٹر نے فلیش فلڈ کے دوران ریسکیو 1122 جہلم کی پیشہ ورانہ کارکردگی کو سراہا اور کہا کہ ٹیم نے جانفشانی اور فرض شناسی کا مظاہرہ کیا ہے۔

انہوں نے اپنے دورے کے دوران اکاؤنٹس سیکشن، مینٹیننس سیکشن، اسٹور روم اور کنٹرول روم کا تفصیلی معائنہ کیا اور ایمرجنسی آلات و گاڑیوں کی موجودہ کارکردگی کا جائزہ لیا۔

اس موقع پر ایڈمنسٹریٹر سید کمال عابد نے ریسکیو اسٹاف سے ملاقات کرتے ہوئے انہیں مستقبل میں بھی ہر قسم کی ایمرجنسی سے نمٹنے کے لیے ہمہ وقت تیار رہنے کی ہدایت دی۔ انہوں نے کہا کہ ریسکیو 1122 جہلم کی ٹیم عوام کو فوری اور مؤثر امداد فراہم کرنے کے مشن کو مثالی انداز میں انجام دے رہی ہے۔