گورنمنٹ بوائز ہائی سکول بڑاگواہ میں جشن عید میلاد النبی ﷺ کے سلسلہ میں محفل کا انعقاد
سوہاوہ: گورنمنٹ بوائز ہائی سکول بڑاگواہ میں جشنِ عید میلادالنبی ﷺ کے سلسلہ میں ایک پرنور محفل کا انعقاد کیا گیا۔
محفل اسسٹنٹ کمشنر سوہاوہ غزالہ اصغر کی ہدایات پر حلقہ پٹواری ملک شفیق اور ہیڈ ماسٹر چوہدری سلطان پرویز کی زیر نگرانی منعقد ہوئی جس میں اساتذہ کرام، طلبہ اور معززین علاقہ نے بھرپور شرکت کی۔
محفل کا آغاز تلاوتِ قرآن پاک سے کیا گیا، جس کے بعد طلبہ نے نعت رسول مقبول ﷺ اور تقاریر پیش کیں۔ محفل کی نظامت کے فرائض استاد حافظ سعید ریاض نے ادا کیے۔ اس موقع پر صوبیدار (ر) چوہدری مسعود احمد، حلقہ پٹواری ملک شفیق اور دیگر شخصیات بھی موجود تھیں۔
ہیڈ ماسٹر چوہدری سلطان پرویز نے محبتِ رسول ﷺ کی اہمیت پر گفتگو کی جبکہ علامہ مولانا تمریز چشتی نے خطاب کرتے ہوئے کہا کہ ہمیں بارہ ربیع الاول جوش و خروش سے منانا چاہیے اور محافلِ میلاد کے ذریعے نوجوان نسل کو حضور نبی کریم ﷺ کے فرامین اور سیرت سے روشناس کرانا چاہیے۔
محفل کے اختتام پر ملک کی سلامتی، استحکام اور پاک فوج کی حفاظت کے لیے خصوصی دعائیں کی گئیں۔
