جہلم: ضلع جہلم میں اہم انتظامی امور، ترقیاتی اقدامات، معاشی و کاروباری سرگرمیوں اور عوامی خدمات کی فراہمی میں پیش رفت کا جائزہ لینے کے لیے ڈپٹی کمشنر جہلم میر رضا اوزگن کی زیرِ صدارت ایک اہم اجلاس منعقد ہوا۔ اجلاس میں مختلف سرکاری محکموں کی کارکردگی، مقررہ اہداف، جاری اقدامات اور زیرِ التوا معاملات کا تفصیلی جائزہ لیا گیا، جبکہ متعلقہ افسران نے اپنے اپنے محکموں کی پیش رفت کے حوالے سے بریفنگ دی۔
اجلاس کے دوران پلس پروگرام، گرین پراپرٹی سرٹیفکیٹس، کھیوٹ و انتقالات، معاشی و کاروباری سرگرمیوں کے فروغ، واسا، شہر کی خوبصورتی، ستھرا پنجاب اور پرائس کنٹرول سے متعلق اقدامات کا جائزہ لیا گیا۔ اس کے علاوہ کارکردگی کے کلیدی اشاریوں، ریونیو کورٹ مینجمنٹ سسٹم، ای بزنس، فائر سیفٹی انتظامات اور وزیراعظم فیول سبسڈی پروگرام پر ہونے والی پیش رفت بھی زیرِ بحث آئی۔
اجلاس میں مختلف محکموں کی جانب سے مقررہ اہداف کے حصول، انتظامی امور میں بہتری اور عوام کو فراہم کی جانے والی سہولیات کے معیار کا جائزہ لیتے ہوئے زیرِ التوا معاملات کو بروقت نمٹانے کی ضرورت پر زور دیا گیا۔ متعلقہ افسران کو ہدایت کی گئی کہ وہ اپنے محکموں سے متعلق امور پر خصوصی توجہ دیں اور جاری اقدامات کی تکمیل مقررہ مدت کے اندر یقینی بنائیں۔
ڈپٹی کمشنر میر رضا اوزگن نے متعلقہ افسران کو ہدایت کی کہ زیرِ التوا معاملات کو ترجیحی بنیادوں پر نمٹایا جائے، پرائس کنٹرول کے اقدامات کو مزید موثر بنایا جائے اور مقررہ اہداف کے مطابق عملی پیش رفت یقینی بنائی جائے۔ انہوں نے اس بات پر زور دیا کہ سرکاری محکمے اپنی کارکردگی بہتر بنانے کے لیے باقاعدہ نگرانی کریں اور عوامی شکایات و ضروریات کو مدنظر رکھتے ہوئے فوری اقدامات کریں۔
انہوں نے محکموں کے درمیان مضبوط رابطہ کاری، باقاعدہ فیلڈ نگرانی اور انتظامی جوابدہی کو موثر بنانے کی ہدایت کرتے ہوئے کہا کہ دستیاب وسائل کا بہتر استعمال کیا جائے، تاکہ عوام کو سرکاری خدمات بروقت، شفاف اور معیاری انداز میں فراہم کی جا سکیں۔
ڈپٹی کمشنر نے اس امر پر بھی زور دیا کہ جاری انتظامی و ترقیاتی اقدامات کی پیش رفت کا مسلسل جائزہ لیا جائے اور متعلقہ افسران اپنی ذمہ داریاں مؤثر انداز میں ادا کریں تاکہ ضلع میں انتظامی امور کو بہتر بنانے، معاشی سرگرمیوں کے فروغ اور عوامی خدمات کی فراہمی کے مقررہ اہداف حاصل کیے جا سکیں۔
-
-
-
-
