جہلم میں منشیات فروش اور ناجائز اسلحہ رکھنے والے ملزمان گرفتار

جہلم: ڈسٹرکٹ پولیس آفیسر جہلم طارق عزیز سندھو کی زیرِ قیادت تھانہ سول لائنز پولیس نے دو الگ الگ کارروائیوں میں منشیات فروش اور ناجائز اسلحہ رکھنے والے دو ملزمان کو گرفتار کر لیا۔

تفصیلات کے مطابق جہلم میں تھانہ سول لائنز پولیس نے منشیات فروش ملزم دانش علی کو گرفتار کیا۔ ملزم سے 1 کلو 40 گرام ہیروئن برآمد کی گئی۔ پولیس نے ملزم کے خلاف مقدمہ درج کر لیا ہے۔

دوسری کارروائی میں تھانہ سول لائنز پولیس نے ناجائز اسلحہ رکھنے والے ملزم ابراہیم حیدر کو گرفتار کر لیا، ملزم سے رائفل 223 بور، پسٹل 9 ایم ایم اور گولیاں برآمد کر لی گئیں۔ پولیس نے ملزم کے خلاف مقدمہ درج کر لیا ہے۔

ڈی پی او جہلم نے کہا کہ ناجائز اسلحہ رکھنے والے ملزمان کے خلاف بھی سخت کارروائی جاری رہے گی۔ منشیات فروش معاشرے کا ناسور ہیں اور ان کے خلاف بھرپور کریک ڈاؤن جاری رہے گا۔