جہلم پولیس کی اہم کارروائی،چوری کے مقدمہ میں ملوث سوداگر عرف داگڑ گینگ کے 2 ملزمان کو گرفتار کر لیا گیا۔
تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ سٹی اور ان کی ٹیم نے بڑی کامیابی حاصل کرتے ہوئے چوری کے مقدمہ میں ملوث سوداگر عرف داگڑ گینگ کے 2 ملزمان کو گرفتار کر لیا۔
پولیس کے مطابق گرفتار ملزمان کے قبضے سے 4 عدد چوری شدہ لیپ ٹاپ مالیتی ایک لاکھ 10 ہزار روپے اور 5 ہزار روپے نقدی برآمد کی گئی۔ ملزمان کو تفتیش کے بعد ٹھوس شواہد کے ساتھ عدالت میں پیش کیا جائے گا۔
ڈسٹرکٹ پولیس آفیسر جہلم طارق عزیز سندھو نے کہا ہے کہ سنگین نوعیت کے مقدمات میں ملوث ملزمان کسی رعایت کے مستحق نہیں۔ عوام کے جان و مال کے تحفظ کے لیے پولیس ہر سطح پر جرائم پیشہ عناصر کے خلاف سخت کارروائیاں جاری رکھے گی۔
یہ بھی پڑھنا مت بھولیں
-
-
-
-
