منظور پشتین کو ڈسٹرکٹ جیل جہلم منتقل کر دیا گیا

جہلم: پشتون تحفظ موومنٹ کے رہنما منظور پشتین کی گرفتاری میں نئی پیشرفت سامنے آئی ہے جہاں انہیں ڈسٹرکٹ جیل جہلم منتقل کردیا گیا ہے۔

ڈپٹی کمشنر جہلم کی جانب سے ایک بیان میں کہا گیا ہے کہ منظور پشتین کو نقص امن عامہ کے پیش نظر 15 روز کیلئے بند کیا گیا ہے، اس حوالے سے جہلم میں ڈسٹرکٹ جیل کی سکیورٹی انتہائی سخت کردی گئی ہے۔

یاد رہے کہ منظور پشتین کو گزشتہ روز راولپنڈی اڈیالہ جیل سے جہلم جیل لایا گیا تھا۔