دینہ: اغواء یا کوئی اور وجہ؟ زمین کھا گئی یا آسمان نگل گیا؟۔ ایدھی سنٹر کا ایمبولینس ڈرائیور نماز پڑھنے کے بعد واپس ڈیوٹی پر نہ آیا، تھانہ دینہ میں ڈرائیور کی گمشدگی کی رپورٹ درج کرا دی گئی۔
تفصیلات کے مطابق جہلم کی تحصیل دینہ میں ایدھی سنٹر کے ایمبولینس ڈرائیور سجاد احمد ولد سکندر خان سکنہ بڑل تحصیل دینہ گزشتہ روز نماز کی ادائیگی کے بعد ڈیوٹی پر واپس نہ آئے جس کے بعد ان کی گمشدگی کی رپورٹ تھانہ دینہ میں درج کروا دی گئی ہے۔
سجاد احمد نزدیکی ایک پیٹرول پمپ کی مسجد میں نماز پڑھنے گئے اور پھر اچانک کہیں غائب ہو گئے۔ ان کی گمشدگی کے بعد ایدھی سنٹر کا عملہ حیران و پریشان ہے جبکہ ان کے گھر والوں میں شدید بے چینی اور تشویش کی لہر دوڑ گئی ہے۔
یہ تاحال معلوم نہیں ہو سکا کہ سجاد احمد کو کسی نے اغواء کیا یا پھر کوئی اور وجہ بنی۔ پولیس نے واقعے کی رپورٹ درج کرکے تفتیش شروع کر دی ہے۔
-
-
-
-
