پنڈدادنخان کے علاقے سوڈی گجر میں کرنٹ لگنے سے 16 سالہ نوجوان جاں بحق ہو گیا۔
تفصیلات کے مطابق جہلم کی تحصیل پنڈدادنخان کے گاؤں سوڈی گجر میں بجلی کا کرنٹ لگنے سے 16 سالہ نوجوان جاں بحق ہو گیا۔ حادثے کی اطلاع ملتے ہی علاقے میں تشویش کی لہر دوڑ گئی۔
ریسکیو 1122 کے مطابق پنڈدادنخان کے گاؤں سوڈی گجر میں ایک نوجوان کو بجلی کا کرنٹ لگنے کی اطلاع موصول ہوئی، جس پر ریسکیو 1122 کی ٹیم فوری طور پر جائے حادثہ پر روانہ کی گئی۔
ریسکیو اہلکاروں نے موقع پر پہنچ کر صورتحال کا جائزہ لیا، تاہم حادثے کے نتیجے میں 16 سالہ نوجوان موقع پر ہی جاں بحق ہو چکا تھا۔ ریسکیو 1122 کے مطابق نوجوان بجلی کے شدید جھٹکے کے باعث جانبر نہ ہو سکا۔
واقعے کے بعد علاقے میں افسوس کی فضا پیدا ہوگئی، جبکہ اہل علاقہ اور نوجوان کے لواحقین نے واقعے پر گہرے دکھ اور افسوس کا اظہار کیا۔
یہ بھی پڑھنا مت بھولیں
-
-
-
-
