جہلم: ضلع بھر میں غیر قانونی ویگو کلچر اور پولیس لائٹس لگانے والوں کے خلاف پولیس نے بھرپور کریک ڈاؤن شروع کر دیا ہے۔
گزشتہ ایک ہفتے کے دوران جہلم پولیس نے مختلف تھانوں میں کارروائیاں کرتے ہوئے تین مقدمات درج کیے اور تین ملزمان کو گرفتار کر لیا۔
ڈسٹرکٹ پولیس آفیسر (ڈی پی او) جہلم طارق عزیز سندھو کے مطابق حکومتِ پنجاب کے ویژن اور احکامات کے تحت ویگو کلچر کے خلاف سخت کارروائی کا آغاز کر دیا گیا ہے۔ انہوں نے واضح کیا کہ قانون شکنی کرنے والے عناصر کے خلاف کسی قسم کی نرمی نہیں برتی جائے گی اور قانون کی مکمل عملداری کو یقینی بنایا جائے گا۔
ڈی پی او جہلم کا مزید کہنا تھا کہ ویگو کلچر اور جعلی پولیس لائٹس کا استعمال نہ صرف قانون کی خلاف ورزی ہے بلکہ یہ عوامی سلامتی اور ٹریفک نظام کے لیے خطرہ بھی بن سکتا ہے۔ قانون کی رٹ کو چیلنج کرنے والے عناصر کو قانون کے کٹہرے میں لایا جائے گا۔
-
-
-
-
