جہلم: حکومت پنجاب کے ویژن اور ڈسٹرکٹ پولیس آفیسر جہلم ناصر محمود باجوہ کی ہدایات کی روشنی میں جہلم پولیس کا سماج دشمن عناصر کے خلاف کریک ڈاؤن جاری، 7 ملزمان چرس، شراب اور اسلحہ سمیت گرفتار کر لئے گئے۔
تفصیلات کے مطابق صدر پولیس نے کارروائی کرتے ہوئے ملزم عارف محمود کو گرفتار کر لیا، ملزم سے 2 کلو250گرام چرس برآمد کر کے مقدمہ درج کر لیا۔
جلالپور شریف پولیس نے کارروائی کرتے ہوئے ملزمان عظمت فیروز ،عاصم محمود اور ایاز محمود کو گرفتار کر لیا، ملزم ایاز علی سے 1 کلو 200گرام چرس،ملزم عظمت فیروز سے 1 کلو 800گرام چرس اور ملزم عاصم محمود سے 1 کلو 117گرام چرس برآمد کر کے ملزمان کے خلاف انسداد منشیات ایکٹ کے تحت الگ الگ مقدمات درج کر لئے۔
پنڈ دادنخان پولیس نے کارروائی کرتے ہوئے ملزم فرحان پرویز کو گرفتار کر لیا، ملزم سے 20لیٹر شراب برآمد کرکے مقدمہ درج کر لیا گیا۔
ایس ایچ او تھانہ سٹی کی زیرِ نگرانی انچارج چوکی کینٹ نوید افضل اور ٹیم نے کارروائی کرتے ہوئے ملزم اسلم پرویز کو گرفتار کر لیا، ملزم سے 15لیٹر شراب برآمد کر کے مقدمہ درج کر لیا گیا۔
پنڈ دادنخان پولیس نے کارروائی کرتے ہوئے ملزم نعیم اختر کو گرفتار کر لیا، ملزم سے پسٹل30بور معہ ایمونیشن برآمد کر کے مقدمہ درج لیا گیا۔
ڈی پی او جہلم ناصر محمود باجوہ نے کہا کہ ملزمان کو ٹھوس شواہد کے ساتھ چالان عدالت کیا جارہا ہے، اس امر کو یقینی بنایا جائے گا کہ کوئی بھی ملزم سزا سے بچ نہ پائے۔ منشیات فروشی تمام معاشرتی برائیوں کی جڑ ہے، حکومت پنجاب اور انسپکٹر جنرل آف پولیس پنجاب کی ہدایات کی روشنی میں منشیات فروشی کا قلع قمع جاری ہے۔
-
-
-
-
