پنڈدادنخان میں نکاسی آب کے نالے کی ناقص تعمیر سے گیس پائپ لائن دب گئی، شہریوں میں تشویش

پنڈدادنخان شہر میں نکاسی آب کے نالے کی تعمیر میں ناقص حکمت عملی اور محکموں کی آپس میں کوارڈینیشن نہ ہونے کی وجہ سے شہر کی مین سوئی گیس پائپ لائن نالے کی کنکریٹ سلیپ میں دب گئی ہے۔

یہ صورتحال شہر کے شہریوں کے لیے تشویش کا باعث بنی ہوئی ہے، کیونکہ اگر مستقبل میں گیس پائپ لائن خراب ہو جاتی ہے تو نہ صرف اس کی مرمت مشکل ہو گی بلکہ نکاسی آب کا نالہ بھی اکھیڑ دیا جائے گا جس سے شہر کی صفائی اور نکاسی آب کا نظام متاثر ہو سکتا ہے۔

شہریوں نے متعلقہ حکام سے مطالبہ کیا ہے کہ اس مسئلے کا مستقل بنیادوں پر حل نکالا جائے تاکہ مستقبل میں ایسی پریشانیوں سے بچا جا سکے اور شہر کی بنیادی سہولتوں کو بہتر بنایا جا سکے۔ انھوں نے مزید کہا کہ اگر حکام نے اس معاملے پر فوری توجہ نہ دی تو مزید مشکلات کا سامنا ہو سکتا ہے، جس سے نہ صرف عوامی صحت متاثر ہو گی بلکہ شہر کی ترقی بھی رک سکتی ہے۔

مقامی افراد نے اس بات پر زور دیا کہ انتظامیہ اور متعلقہ اداروں کو اپنے کاموں میں بہتر کوآرڈینیشن قائم کرنی چاہیے تاکہ ایسی نقصانات سے بچا جا سکے اور شہریوں کو زیادہ سے زیادہ سہولت فراہم کی جا سکے۔