جہلم: ڈپٹی کمشنر جہلم نے دفعہ 144 کے تحت دریائے جہلم، نہروں اور ندی نالوں میں نہانے پر مکمل پابندی عائد کر دی۔
ڈپٹی کمشنر جہلم آفس سے جاری کردہ حکمنامہ کے مطابق بڑھتے ہوئے درجہ حرارت اور منگلا ڈیم سے 70 ہزار کیوسک پانی چھوڑے جانے کی وجہ سے دریائے جہلم میں نہانے اور تیرنے کا غیر قانونی رحجان بڑھ گیا ہے جس کی وجہ سے دریا میں ڈوبنے کے واقعات کا خدشہ ہے۔
ڈپٹی کمشنر جہلم سیدہ رملہ علی نے دریائے جہلم میں نہانے پر دفعہ 144 کے تحت پابندی عائد کر دی، جو فوری طور پر نافذ العمل ہے۔ دریاؤں، نہروں اور برساتی نالوں میں تیراکی یا نہانے پر پابندی ہو گی، خلاف ورزی پر سخت کارروائی کی جائے گی۔
یاد رہے کہ گزشتہ روز جہلم کے علاقہ مصری موڑ کے قریب ملک پور میں 5 سالہ بچی دریائے جہلم میں ڈوب کر جاں بحق ہو گئی، لاش کو دریا سے نکال لیا گیا۔
یہ بھی پڑھنا مت بھولیں
-
-
-
-
