جہلم میں جی ٹی روڈ کالا گجراں کے قریب دو موٹر سائیکلوں میں تصادم، ایک نوجوان جاں بحق، دوسرا زخمی

جہلم: جی ٹی روڈ کالا گجراں کے قریب دو موٹر سائیکلوں میں تصادم سے ایک نوجوان جاں بحق جبکہ دوسرا نوجوان زخمی ہو گیا۔

تفصیلات کے مطابق جہلم میں جی ٹی روڈ پر کالا گجراں کے قریب گنزا مارٹ کے یوٹرن کے سامنے دو موٹر سائیکلوں کے تصادم کے نتیجے میں 25 سالہ نوجوان جاں بحق جبکہ ایک شخص زخمی ہو گیا۔

ریسکیو 1122 کے مطابق حادثے کی اطلاع ملتے ہی امدادی ٹیم فوری طور پر جائے وقوعہ پر پہنچ گئی۔ حادثے میں 25 سالہ منیب عارف زخموں کی تاب نہ لاتے ہوئے جاں بحق ہو گیا جبکہ 22 سالہ عین الحق زخمی ہوا۔

ریسکیو اہلکاروں نے زخمی نوجوان کو ابتدائی طبی امداد فراہم کی جبکہ جاں بحق شخص کی لاش کو بھی ڈسٹرکٹ ہیڈکوارٹرز ہسپتال جہلم منتقل کر دیا گیا۔

ریسکیو 1122 کے مطابق ابتدائی معلومات کے تحت رانگ سائیڈ سے آنے والا تیز رفتار موٹر سائیکل حادثے کا سبب بنا۔