سوہاوہ: دی ویژن سکول اینڈ کالج بڑاگواہ میں سالانہ رزلٹ کی رنگارنگ تقریب کا انعقاد کیا گیا، جس میں معزز مہمانوں، اساتذہ، والدین اور طلبہ نے بھرپور شرکت کی۔
تفصیلات کے مطابق گزشتہ روز جہلم کی تحصیل سوہاوہ میں ڈومیلی کے علاقہ بڑاگواہ میں دی ویژن سکول اینڈ کالج میں سالانہ رزلٹ کی شاندار تقریب منعقد ہوئی۔ تقریب کا آغاز تلاوتِ قرآن پاک اور نعتِ رسول مقبول ﷺ سے کیا گیا۔
تقریب میں معزز مہمانوں میں چوہدری علی اصغر سماجی شخصیت، ریٹائرڈ ٹیچر ماسٹر محمد صفدر، علامہ محمد تمریز چشتی، ریٹائرڈ ہیڈ ماسٹر راجہ محمد انور کیانی، ڈائریکٹر نیشنل سکول آف سائنس نگیال چوہدری محمد عامر، ڈائریکٹر روہتاس انٹرنیشنل سکول اینڈ کالج جھنگ چک چوہدری ابرار نجیب گجر اور ریٹائرڈ ٹیچر چوہدری ساجد محمود بطور مہمانِ خصوصی شریک ہوئے۔
اس کے علاوہ تقریب میں سینئر ٹیچر ماسٹر رازق حسین، ماسٹر چوہدری عرفان، ماسٹر چوہدری احسان الحق، ریٹائرڈ ٹیچر چوہدری محمد سلمان، ریٹائرڈ ٹیچر محبوب حسین، ریٹائرڈ ٹیچر راجہ محمد افضل چیمہ، پرنسپل احسن پبلک سکول اینڈ کالج نبیل احمد چوہدری، ڈائریکٹر قمر الاسلام سکول چوہدری محمد وقاص، چوہدری تصور، مہر محمد قیصر اور دیگر معزز شخصیات نے شرکت کی۔
تقریب کے دوران مہمانوں کا پرتپاک استقبال کیا گیا جبکہ ننھے منے بچوں نے اسٹیج پر مختلف ٹیبلوز پر شاندار پرفارمنس پیش کی۔ تقریب میں طلبہ و طالبات کے والدین سمیت علاقے کی سیاسی، سماجی، کاروباری اور مذہبی شخصیات نے بھرپور شرکت کی۔
مہمانانِ گرامی نے کامیاب طلبہ و طالبات میں انعامات تقسیم کیے اور ان کی کامیابی پر مبارکباد پیش کی۔ ڈائریکٹر محمد احسن محمود نے تقریب کے آخر میں تمام مہمانوں اور والدین کا شکریہ ادا کرتے ہوئے کہا کہ ہم اس علاقے کی تعلیمی محرومیوں کو ختم کرنے کے لیے ہر ممکن کوشش کر رہے ہیں اور طلبہ کو معیاری تعلیمی سہولیات فراہم کر رہے ہیں۔
تقریب میں "برین آف بڑاگواہ” مقابلے میں نمایاں کارکردگی دکھانے والی طالبہ مقدس گلزار کو لیپ ٹاپ اور سوفیصد اسکالرشپ سے نوازا گیا، جبکہ طالبہ افراء شہزاد کو 10 ہزار روپے نقد انعام اور 75 فیصد اسکالرشپ دی گئی۔ تقریب کے اختتام پر تمام شرکاء نے تعلیمی میدان میں کامیابی حاصل کرنے والے طلبہ و طالبات کے لیے نیک خواہشات کا اظہار کیا۔
