سوہاوہ 4 سالہ بچی 40 فٹ گہرے کنویں میں گر کر جاں بحق

سوہاوہ میں چکوال موڑ کے قریب 4 سالہ بچی 40 فٹ گہرے کنویں میں گر کر جاں بحق ہو گئی۔

تفصیلات کے مطابق جہلم کی سوہاوہ میں چکوال موڑ کے قریب ایک المناک حادثے میں چار سالہ بچی کھیلتے ہوئے 40 فٹ گہرے کنویں میں گر کر جاں بحق ہو گئی۔

ریسکیو 1122 کے مطابق واقعہ اس وقت پیش آیا جب خانہ بدوش خاندان کے بچے کنویں کے قریب کھیل رہے تھے۔ بدقسمت بچی کی شناخت بھاگ بھری دختر شفاعت کے نام سے ہوئی ہے، جس کی عمر صرف چار سال تھی۔

عینی شاہدین کے مطابق بچی کے قریب اس کا معذور والد بھی موجود تھا، جو فوری مدد کرنے سے قاصر رہا۔ حادثے کے بعد فوری طور پر ریسکیو ٹیم کو اطلاع دی گئی تاہم جب تک ٹیم موقع پر پہنچی تو بچی جانبر نہ ہو سکی۔